حب في أزمة 

هي حكاية متل اي حكاية  بتحصل كل يوم فيها من الحب كتير وفيها من الفراق والألم …

حتى لما اتزاعلنا كنت عايش عأمل بقيت عند وعدي عند حبي بقيت عندك وما اتغيرت انا يلي قلتلك بيوم من الايام بوعدك ما اتركك

بوعدك رح ابقى حبك بوعدك رح اتحدى كل شي كرمالك تحديت حالي وبقيت حدك وما تركتك حتى وانت تاركني بعيش معك بلاك…

الامل احيانا بيجرح وحدو بعيشنا بالكذب لحد ما نتفاجئ تتهنى وتفرح وتنبسط وتعيش مع غيري عادي بس ليك صعب كتير حط حالي مكانك وفكر متل تفكيرك لاعرف وقتا ليش انت هيك عملت وصعب كتير اني بررلك اغلاطك على حسابي وانت لاغي حسابي ،صعب كون المظلوم للمرة الألف بحياتك وانت مشوه حياتي…

فهمنا انك الصبية الصعبة المميزة يلي ما بتشبهي غيرك المزاجية الانانية ويلي ما بتشوف انو ولا وحدة بتشبها.

بعرف لو انك قدامي كنتي قلتيلي هاد الحكي انت حبيتني لكل هالاشياء متل ما انا  اعترفتيلي  وغازلتنيي وكتبتيني ورسمتيني .

صح لك اي صح انتي هيك وانا حبيتك لانك هيك بس عندك كلام لما بتحكيه بحسك عم تنهي كل شي وعندك كلام بحب اسمعو لما ما  بتحكيه بحس بنفس الشي ،انت متناقض،لا انت متناقضة!، شبني عم حاكي حالي؟، اه هيك بصير دائما” لما بشتقلك واشتاق لمشاكلك وعنادك بصير اسمع صوتك بكل مكان جواتي قريبة كنتي او بعيدة انا بكرهك!؟ 

بس عاجز اني انتقم منك فيني اعمل متل ماعم تعمل لجاكرك وزعلك بس ما بدي. بقلك شو ؟! انا بدي بس مافيني انا عاجز اني اخد قرار ينصفك جواتي. ما فيني اعتبرك شريكة كويسة أو كوحدة رخيصة،بجوز لاني ما بدي تكوني رخيصة، حتى من بعد ما رخصت…

يمكن لاني اتعودت دافع عنك حتى لما بيزعل منك قلبي بررلك واشفعلك افهمك وما افهم حالي طيب فهمني انت حط عينك بقلبي وجاوب قلو انك بعمرك ما حبيتو قلو انو هو كان عكازة تساعدك عالمشي وبعدا كبيتا ومشيت لابعد مكان اتخيلتي، للمكان يلي  رح ضل حبك في،حتى لو بكرهك، بشتاق احضنك، وحتى بفكرة انو عم تضربيني كف وبعدين تبوسني. هاي فكرة الكف والبوسة بتوجع، هاي الفكرة ما الها اي عنوان، الها بس انت. المشكلة هي انو انت نفسك ما عندك عنوان ،بكرهك وفيني انتقم ،بس ما بدي …

انا قلت انو هي كانت اخر زعلة ومن بعدها تركنا لا مش هيك صار هي كانت اخر زعلة ومن بعدها ما عاد زعلنا ارجعنا اكتر من  مرة رجعنا لما عرفت انو البنت ان حكت كلمة متل بكرهك لازم افهمها غير هيك لازم افهمها انو انا بحبك بس ليش خليتيني اكرهك ؟ لاني بحبك عنجد وروحي ما بتنطر منك تحرقيها ،كلام الحب لازم نفكر فيه منيح قبل ما نحكم عليه ،متلك انت  لما رجعت ما كنت مصدقة اني ما خنتك، مع مين حكيت بغيابك  وين رحت و مين شفت بتخيلاتي …

حتى عيش بيلزمني عيشك واقع وعيشك خيال بحضورك وبغيابك بشبعك وفا ورجولة ودفا وبشبعك دلال…

يمكن انت الي ما عم تفهمي انك انسان؟ انو بجوز تعملي اخطاء ،بس انا عودتك انو لما تغلطي انا اقول آسف.

انو متل لما تحسي انو عم خونك بس بتحبيني، بيرضاها  ضميرك؟ 

 ماعاد بدي ابقى ماشي فيها وحدة بوحدة بدي تحسي بوحدتك لحس انو عيب عليي ردلك ياه…

الحب مبدأ، حرام يخسر قيمته،حرام النهاية تكون صد و رد قهرة بقهرة، حرام اني انقهر واقهرك …